بلقاسم عبد اللطيف ـ قبلي
هو شاعر مميّز من الجنوب التونسي و تحديدا من مدينة دوز كانت له صولات و جولات في مجال الشعر الشعبي ولد بدوز 02/03/1955 . يعمل بمتحف الصحراء بدوز . صدر له : القوافي في الفيافي ط 7 . جويلية 2010
قال في بعض قصائده الجميلة ما يلي :
عْرب همة وعرب كرم طيور الدم اجلّو الهم اليا ناض القرقاع ارزم
عْرب هِمّة و ما نعرف ذلْ .... اتربّينا عْلى ظهور الخيل
نَفّاحين الْكسب البِلْ .... مْراحيل اتحاذي امْراحيل
وتلقاه البيت بلعقُلْ .... امعبى متروس رْجاجيل
و بالكلمة نربط ونحلْ .... كْرمنا ماعنداش امْثيل
ايضيف الضيف وْيتفضّلْ .... وْ نشطخ لكباش امداليلْ
عْليه طق الميعاد وْ حَلْ .... زْهاوي وِتقاصير اللّيلْ
عْزاز نْفوس وْ مانَبخَلْ .... سْمانا عند الله دْليلْ
إلياحق القرقاع انزَلْ .... اتجيك الصابة كيف السّيلْ
انطُبُّو ع النّار اِلْتِشعِلْ .... اِنخَلُّو لَرقابْ امْسابيلْ
وْ نسقو في العدوان الخَلْ .... وْ من جرّبنا ضاق الويلْ
حْني حتى المفطوم فْحَلْ .... وْتركعله كل براطيلْ
وكنا لانكِلّو لانمِلّو جيلْ ... ايورّثها ع إلْجِيلْ .
عْرب همة وعرب كرم طيور الدم اجلّو الهم اليا ناض القرقاع ارزم
عْرب هِمّة و ما نعرف ذلْ .... اتربّينا عْلى ظهور الخيل