وربي يحن علينا
الحنّة معروفة من قْديم الزْمانْ.. مَسحوقْ من نَبتة مَخلوقْ.. تِتّعجِنْ باش يْخضبو بيها ليدين وْ لقدامْ.. وْحتى الشْعَر اينحّي برشا وْجايَعْ.. الحِنّة يها مواد "جِليوكوسيدية" مُهمّة بالخْصوص المادة المعروفة ب" اللاوْسُون" وْ هي المادة الْمسؤولة عْلى التلوين .. قْبل العرس يعجنوا في " صينية" بالماء و الزْيوت لِمعَطرة وْ يِضوّي عْليها الشمع الطويل.. وين تحلى السهرية في الليل .. الحنة فيها امْنافع كْثيرة.. تِتداوى بيها الجْروح .. و البقايع المحروقة.. اتقلّل الألم.. وتنقّص كميّة المَا فيه.. في قْديم الزْمانْ كانو لجداد ايمَرخُو بالحنة في قْدامْهم... باش ايداوُو الشْقوق اللي فيها.. و يعالجو بيها حتى وْجايَعْ الراس.. الْبرشا ناس.. مادة مُهمة في استعمالات تراثنا التونسي ما يَخلى منها حتى مْحل.. وِ لْبرشا وْجايَعْ هيّ الحَلْ.