السامور


سهرة السامور يا سادة.. ياللي اتبعو في صفحتنا كي العادة.. هي سهرة يتقدم فيها برشا اغاني و اهازيج بدوية.. متيصلة من موروث صحارينا التونسية.. يتقدم الغناي.. وسط المتفرجين.. اللي بكدس لحطب دايرين.. و يبدى ينشد في الشعر الملحون.. و الطبول اترن باجود لفنون.. وحارس السامور يرمي في الحطب ويزيد.. وين يبدى الكدس يبيد.. مشهد جميل مؤثث بشطحات لفرق الفنون الشعبية.. وشعر و صوات بدوية.. هالسامور ديمة يتقام في وسط سوق الصناعات التقليدية.. في مدينة دوز الجنوبية.. يحيا فيه موروثنا الصحراوي.. و الفرجة ع الحطب الضاوي.. العين تتبنن ماترا.. والوذن تسمع لغنا.. و السهرة تطوال.. ويتفنن الطبال.. والزكرة صادي صوتها.. حتى الَموش حاضر ما يفوتها.. سهاري صحارينا المزيانة.. تراثنا و ملقانا.... 
جلال بن ميلود التليلي